Чарговая субота — чарговы Дзень жывёлавода. На гэты раз кіраўнікоў сельгасарганізацый, спецыялістаў упраўлення сельскай гаспадаркі і харчавання райвыканкама прымаў жывёлагадоўчы сектар племсаўгаса «Высакоўскі» (дырэктар гаспадаркі — Анатоль Валадковіч).
Племсаўгас «Высакоўскі» — гаспадарка невялікая. Яна не займае высокіх прыступак у аграпрамысловым комплексе раёна, але ж станоўчыя вынікі тут ёсць, кіраўніцтва племсаўгаса робіць пэўныя захады для стабільнай дзейнасці калектыву.
Няблага папрацавалі на нарыхтоўцы кармоў. Але мала накарміць жывёлу — трэба праводзіць цэлы комплекс мерапрыемстваў, каб атрымліваць якасную прадукцыю ў належным аб’ёме.
Сёлета ў Высокім будзе будавацца аграгарадок. Агляд сельскагаспадарчых аб’ектаў, разбор вынікаў працы праходзіў у свеце гэтай важнай падзеі: населены пункт павінен мець усю належную інфраструктуру — як сацкультбыта, так і вытворчасці.
Набірае тэмпы вясна, і не за гарамі сяўба яравых. Ужо зараз патрэбна ўзмацніць неабходныя падрыхтоўчыя работы: канчаткова давесці да ладу тэхніку, актывізаваць вывазку арганікі і нарыхтоўку мінеральных угнаенняў, выкарыстоўваць магчымасць унясення ўгнаенняў і падсеву траў па снезе. На гэтых і іншых момантах, што тычыліся вясенніх палявых работ, акцэнтаваў увагу ўдзельнікаў мерапрыемства старшыня райвыканкама Віталій Грышанаў.
Традыцыйна кіраўнікі сельгасарганізацый трымалі справаздачу па выкананню рашэнняў папярэдніх Дзён жывёлавода.
Галіна Цыганкова.
Домой Официально
